廣州遊記

廣州，很近香港。週五放工後， 會合屋企人，經羅湖轉火車，到了廣州東。

再搭的士去沙面海關會議接待中心， 嘻嘻，我一早預先上網訂了二間雙人房。呢個係一間乾淨舒適的酒店，價位合理。沙面是珠江的一個小島， 環境優美。我地放低行李， 就出去沙 面行下， 影了一些舊時歐式建筑，行入STARBUCK， 坐係大樹下的露天坐位， 嘆著咖啡，看著偶爾路過的行人， 秋天微微涼風，輕輕吹拂， 真的好寫意。不經不覺， 天色漸黑。

在姐姐的提議下， 一家人去到沙面大街的僑美食家晚飯。紅燒乳鴿 ﹣味道， 白灼沙虫 ﹣ 十分鮮美 ， 黑椒牛仔骨 ﹣ 惹味香口， 蒜蓉開邊蝦蒸陳村粉 ﹣爽滑無比，上湯西洋菜 ﹣清甜可口，尚算滿足的一餐。

食得飽飽的返回酒店，見到酒店有單車出租， 我們來了興致， 租了單車， 進行單車“環島遊”， 順便幫助消化。

第二朝，按婆婆建議， 一行人搭的士去到上下九的陶陶居，預備午飯。去到， 食飯的尚有位，我們上到四樓， 開咗茶位後， 留低婆婆飲茶並看著位， 我們去南信食雙皮奶。食完， 帶走四個外買。（我既超級至愛，有機會既話，我實會嘈媽媽一年帶我一／二次上去廣州食雙皮奶， 香港食到既味到始終唔同。）

返到陶陶居， 點咗：紅葱頭油淋雞， 金牌麻板乳豬， 籠仔排骨蒸陳村粉， 蝦頭油海鮮炒飯，伏苓煲龜。雞板爽肉滑又JUCIY， 老火燙足料夠火侯，冇味精，美中不足既係廣州既水有D咸。埋單合共人仔242。

之後， 在上下九行了一陣， 媽媽買了絕味鴨脖， 我在譚木匠買了把木梳。

最後，搭的士去到東站，轉火車返香港。